الفرق بين أداة المعرفة و أداة النكرة في اللغة الألمانية مع فغاو فاطمه حسن
إزاي تفرق بين أداة المعرفة و أداة النكرة في الألماني؟
لو لقيت كلمة في اللغة العربية فيها ال زي الكتاب، الكراسة، الكشكول، الكلب، القطة، الفأر، الرجل، المرأة، الفتاة،.... وإلي أخره.
ف💢 ال 💢 دي في #الألماني 🇩🇪 ليها حوارات تانية مش مجرد 👈ال👉 وخلاص 🤬✋
لو الكلمة دي كانت مذكرة 📝في الألماني وملناش دعوة باللغات التانية عربي أو غيره ف المفروض💙 ال💙 دي المرادف بتاعها في الألماني Der😎✅
💙Der Hund ↪️الكلب
💙Der Mann ↪️الرجل/الزلمة
💙Der Lehrer ↪️المدرس/المعلم
💙Der Block ↪️الكراسة/وفيه ناس بتقول عنها الدفتر برضو
حلو اوي✨
لو هنحذف💢 ال💢 ف هنا بنقول عادي في العربي، كلب، رجل، مدرس، كراسة وهكذا ولكن الألماني كان له رأي تاني😂✋
هنا مينفعش تسيب الكلمة كدا خصوصا وانت لسه مبتدأ في اللغة، ف هنعوض بحاجة اسمها اداة النكرة😼
💙Der النكرة بتاعتها اسمها↪️ein ✨
✅يبقي كدا✅
↪️Ein Hund 👉 💢كلب بدون💢 ال
↪️Ein Mann 👉رجل/زلمة
↪️Ein Lehrer👉مدرس
↪️Ein Block 👉دفتر/كراسة
وبالمثل بقي بقية الأدوات 🙃
فالأول تعرف ادوات المعرفة والل بيكافئها من أدوات النكرة✋
💙Der↪️ein
🩷Die↪️eine
💚Das↪️ein
💜Die (Plural) ↪️ملهاش يا حبيبنا، الجمع ملوش نكرة سيبيها يا بابا مكانها من غير أي ادوات😂❌
وكمان عشان تفرق بين💚Ein 💚 المحايد و 💙Ein💙المذكر ده هيكون من خلال أداة المعرفة اصلا👀🤷♀️
🌐يعني لو قولت لك Ein Kind, Ein Tisch اي الفرق بينهم؟ ❓❓❓
هتقولي ✋
Kind اصلا اداتها💚Das Kind 💚 يبقي Einهنا محايد✨
Tisch اصلا اصلها 💙Der Tisch 💙يبقيEin هنا للمذكر ✨
وضحت؟؟
♦Die Kinder الأطفال✋
♦Kinder ❌بس بدون اداة خالص معناها أطفال وبس❌
☘️اوعي تعمل زي عمدة صاحبنا وتودينا في داهية😂🤷♀️
طب هو عمدة عمل ايه؟؟ 🤔
🖤تموتوا في النميمة اوي، بيقول يا سيدي
❌ eine Kinder❌😂😂😂😂😂😂👀
اوعاااااااا❌❌❌❌😂😂😂😂
هي بسKinder من غير اي تحابيش😂✋
ودلوقتي أنا خلصت دوري وجه دوركوا أنتوا👀🏌️♀️
دوركوا في التدريب هكتب شوية كلمات وانت اكتب ادوات النكرة بتاعتها اوك؟ 😎✨
💙Der Student.
💙Der Schüler
💙Der Mensch
💚Das Mädchen
💚Das Spiel
💚Das Heft
🩷Die Frau
🩷Die Tasche
🩷Die Tasse
♥Die Männer
♥Die Schüler
♥Die Lehrer
يلااا اكتب ادوات النكرة لوحدك في كومنت+ تحبوا اشرح لكوا القاعدة يوتيوب؟
قولوا لي في الكومنتات و شوفوا تحبوا نشرح ايه الفترة الجاية وعرفوني💜
كنتم مع فغاو فاطمه حسن|FFA German وإلي لقاء أخر إن شاءلله ✨🌹🙏
تعليقات
إرسال تعليق