طريقة مذاكرة الألماني مع فغاو فاطمه حسن
طريقة مذاكرة الألماني.
أنا النهاردة مش هتكلم في فكرة إنك بتاخد/تحضر كورس أو لأ، النهاردة هتكلم معاك لو عندك كتاب معين، أو محتوي انت شغال منه وعايز تذاكر صح بحيث لما تخلص كل مستوي تقدر ترجع له بسهولة ومراجعته تكون خفيفه
💜هحتاج منك 3دفاتر/كشاكيل لكل مستوي أو ممكن دفتر واحد وتبدأ تقسمه 3أجزاء بس يكون دفتر كبير أهم حاجة عشان يكفي المستوي كامل.
🟥دفتر هيكون مخصص لكل أسئلة المحادثة الل بتضايقك في اللغة كل ما يعدي عليك سؤال هتسجله بلون أحمر مثلا وتحته إجابته ف لما يتطلب منك مراجعة المحادثة تقدر تفتح دفترك وتراجع كل سؤال بطريقة إجابته إزاي، بطريقة منظمه وعملية، وفي نفس الوقت بتكون بتابع مستواك بيطلع إزاي في اللغة، وكمان لا قدر الله لو وقفت الكورس لأي سبب أو امتحانات، شغل أو أي ظرف هتقدر تراجع كل الل أخدته بسهولة علي عكس نعكشة الورق أو تكتب كله ورا بعضه بدون تقسيم ده بيخليك تتراجع عن المذاكرة ومن الأخر نفسك بتتسد 😂👀
🟪دفتر خاص بنصوص القراءة والكلمات، وتكتب كل كلمه بأداتها وأي حرف يعدي عليك في اللغة لازم تكتب معناه في دفترك
🟦دفتر خاص بالجرامر وده منفصل عن الاتنين الل قبل كدا، وتكتب عنوان القاعدة بصورة شيك ومحترمه بحيث لما أقولك أنت نسيت قاعدة الأكوزاتيف اتفضل راجعها، تبقي عارف انت هتوصلها تاني إزاي، بدل ما بترجع تقولي بعد ما بتروح المصيف أنا نسيت الألماني كله وتعالي اشرحي لي تااااني👀🙂
ريحني شوية الله يخليك😂🤛
✅بس كدا جرب النظام ده في مذاكرة اللغة أو بمعني أصح في تنظيم أسلوب مذاكرتك للغة وشوف الفرق وادعيلي 🔥
ومتنساش تتابع المحتوي بتاعنا عليFFA German مع فغاو فاطمه حسن لنصايح اكتر عن اللغة الألمانية والحياة والعمل في ألمانيا بأسلوب بسيط وخفيف علي القلب💜
وإلي لقاء أخر إن شاءلله🧡🥰
تعليقات
إرسال تعليق