الفرق بين الضمائر الشخصية (Sie, sie, sie)

"الفرق بين الضمائر الشخصية"

 (Sie, sie, sie) 

في اللغة الألمانية

قبل ما أشرح لك الفرق بين الضمائر الشخصية دي، خليني أبدأ معاك بمعلومة مهمة جداً:

قاعدة ذهبية: أي جملة في اللغة الألمانية لازم أول حرف فيها (بداية الجملة) يكون حرف كبير: Groß

سواء الجملة بتبدأ بضمير، اسم شخص، أو كلمة وأداتها.. مش هتفرق معاك.

  الضمير  Sie🔀حضرتك 

  دايماً أول حرف فيه بيبقى كبير أينما وقع في الجملة: سواء في أول الجملة أو في الوسط أو في سؤال مش مهم،المهم 

أنه أول حرف فيه بيتكتب كبير Groß

والضمير ده له 3 معاني مهم تعرفهم حسب سياق الكلام 

  * حضرتك: لخطاب المذكر بإحترام.

 * حضرتك: لخطاب المؤنث بإحترام.

 * حضراتكوا: لخطاب شخصين أو أكثر بإحترام.

2. الضمير "sie"🔀 للمؤنث المفرد

❌ مهم جداً تعرف إن الضمير مش معناه هي فقط❌ 🔀sie

 الضمير ده ممكن يجي بمعني"هو" أو " هي" في اللغة العربية لأن 🔀die ببساطه انا بشوف الكلمه في اللغة الألمانية الل أداتها

مؤنثة يعني وببدأ أحذفها هي وأداتها واعوض عنها بالضمير ده، وده بيخلي في المقابل ممكن الضمير يكون معناه هو او هي في العربي لأن أنت الل قارنت اللغتين ببعض وهي دي المشكلة إنك بتقارن المعني لأنك متعلم اللغة أو ناقل للغة مش متحدث أصلي عشان كدا بتحصل عندك اللغبطه أو الخربطه دي 

الموضوع هيكون واضح معاك أكتر بالأمثلة كمل معايا للأخر    

3. الضمير "sie"🔀 للجمع (هم / هن)

 «الضميرين حضرتك والضمير هما Sie, sie»

هتلاقي تصريف الافعال كلهم مع الضميرين دول زي بعض  وبالتالي أغلبنا هيتلغبط إزاي يفرق بينهم،هقولك بسيطه من خلال سياق الكلام وكمان افتكر انه حضرتك 🔀Kontext

 Groß / علطول مكتوبة كبيرة 🔀 Sie 

 بتتكتب صغيرة بس لو جاية أول الجملة بس هتتكتب ◀️sie

كبيرة وهتعرفها من سياق الكلام برضو وافتكر انه 

 تصريفها نفس تصريف الضماير المفردة sie 🔀هو او هي

Er+Es 👀

 التلات ضماير المفرد اصلاً معناهم واحد والاختلاف بيكون (حسب الكلمه أداتها ايه )

  

كيف نفرق بين الضمائر الثلاثة؟

أمثلة توضيحية وتطبيقية

أولاً: صيغة الاحترام "Sie"

 : Sie sind Frau Fatma Hassan.

   (حضرتكِ فغاو فاطمة حسن) دي ينفع تيجي جملة خبرية، وممكن أخليها جملة استفهامية أو استفسار من خلال تغيير نبرة وطول الصوت لو أنا بتكلم، ودي طريقة شائعة جداً وعادية في المعاملات اليومية أو في لغة الحياة اليومية باللغة الألمانية.

 : Sind Sie Frau Fatma Hassan?

   (هل حضرتكِ فراو فاطمة حسن؟) لاحظت كمان في المثال ده هتلاقي إن أول حرف كبير "Groß" في كلمة "Sind" وده لأننا بادئين السؤال (بداية سؤال/جملة جديدة)، وكمان هتلاحظ إن الـ "Sie" (حضرتك) أول حرف فيها كبير مع إنها جاية في الوسط، وكمان هي موضحة إنها خطاب لـ "حضرتكِ" لأنني هنا  بخاطب المؤنث بصيغة محترمة  "Frau Fatma ".

ثانياً: صيغة الجمع ("sie" بمعنى هم)

شوف الفرق بين الجملتين دول كدا :

 💜 Ali und Odai sind Geschwister. Sie sind Zwillinge.

💛Ali und Odai sind Geschwister, sie sind Zwillinge.

: لو لاحظت الفرق بين الجملتين اللي قدامك دول: 

في الجملة الأولى فيه فاصل بين الجملتين (نقطة ".") فكان أول حرف في جملة جديدة، ف لازم يكون Groß حتي لو مكنش الضمير Sie مكتوب أي حاجة هتبدأ بيها جملة جديدة في الألماني لازم أول حرف يكون كبير /Groß

أما في الجملة التانية، رغم إن هي هي نفس الجملة ولكن لاحظ التغيير البسيط فقط في وضع الفاصلة(،)  الكومه بين الجملتين وبالتالي بدأنا الجملة التانية بحرف صغير Klein 

وفي الجملتين من خلال سياق الكلام "Kontext " المعنى واضح جداً "sie" (معناها "هم" عايدة على( علي وعدي.

ثالثاً: صيغة المفرد المؤنث ("sie") بمعنى (هو/هي)

 شوف برضو المثالين دول :

  Die Ratte ist klein, aber sie ist auch schnell.

 Die Ratte ist klein. Sie ist schnell.

الفأر أو في بعض الدول العربيةالجرذ هي  Die Ratteكلمه

 كلمه مؤنثة عند الألمان ملناش دعوة باللغة العربية أو الإنجليزية وبالتالي هنعوض عنه بالضمير ◀️sie 

رغم انه لو طبقنا باللغة العربية كان المفروض نعوض عنه بالضمير🔀 er لانه مذكر عندنا في العربي 

ولو طبقت اللغة الإنجليزية هيصادف" it" وعلطول دوغري هتجري انت تعوض عنه بالضمير es باعتبار أنه فأر 🐀فهو غير عاقل وطبعاً ده غلط❌ وبيعمل مشاكل عشان أنت طبقت اللغة العربية أو الإنجليزية لكن في الألماني بنشوف الكلمه أداتها وبنطبق القاعدة وهنا الفأر مؤنث فنحذف (الكلمه+الأداة) ونعوض عنها بالضمير sie المفرد ومش مهم المعني بقي في العربي يطلع لك مرة هو يطلع لك مرة هي مش مهم، المهم الألماني الضمير يناسب الكلمه وأداتها 🙂👀

وطبعاً بقيت عارف ليه اتكتبت مرة sie صغيرة ومرة كبيرة🔥

لو نسيت ارجع اقرأ المقال من الأول 😭💔

  "Zusammenfassung" الخلاصة 

💡 كلمة أخيرة.. طريقك للتمكن من الألمانية

في النهاية، التفريق بين الضمائر دي 

(Sie, sie, sie)

 ممكن يبان في الأول يلخبط، لكن مع الممارسة وقراءة النصوص هتلاقي عينك لوحدها لقطت الفرق من سياق الجملة وتصريف الفعل المحطوط وراها. الألمانية لغة دقيقة جداً، وكل تفصيلة فيها ليها معنى وهدف.

🎯 دورك دلوقتي 

عشان تضمن إن المعلومة ثبتت وما تتبخرش:

 * اكتب في التعليقات جملة من إنشائك باستخدام أحد الضمائر  Sie, sie, sie دي

 شارك المقال ده مع صاحبك اللي لسه بيتلخبط فيهم  

وماتنساش تشترك في نشرة المدونة وتفعل التنبيهات، عشان المقال الجاي هنشرح فيه سر جديد من أسرار القواعد الألمانية هيخلي مستواك يتنقل في حتة تانية خالص. خليك متابع مع      فغاوفاطمه حسن لتبسيط اللغة الألمانية 

وإلي لقاء أخر إن شاءلله 

FFA-German