الفرق بين Kein و Nicht
النفي "Verneinung" \ Negation
ازاي
تفرق بين النفي ب
[Kein / Nicht]؟؟؟
خلينا الأول نبدأ بالنفي ب Nicht لأن هي دي الأساس الل عامل مشكلة في اللغة لأن ببساطه النفي في الأساس كله معتمد عليها.
:Nicht
الشائع عنها انها بتنفي الفعل بس \ فقط وده صحيح ولكن الل متعرفوش هو أصلا كل جملة في اللغة الألمانية ازم بنسبة كبيرة يكون فيها فعل أصلا , وبالتالي القاعدة دي أول مرة هتشوفها فقط مع فغاو فاطمه حسن وهي أن الأداة Nicht بتنفي :
- الفعل
- اللون
- الصفة
- الحال
- حروف الجر كلها سواء بتدل علي الزمان أو المكان
- التوقيت
- أداة الملكية
- أداة المعرفة
- الضمير الشخصي
- الوظيفة\ المهنه
- هي شاملة تنفي كل حاجة خلقها ربنا في اللغة الألمانيه ماعدا الأسم " الاسم الذي له أداة في الطبيعي "
:والأمثلة التوضيحية دي هتوضح طريقة الاستخدام:
1. Ich esse nicht. - أنا لا آكل.
هنا أنا بنفي فعل الأكل نفسه ,لو حد سألك هوا انت بتاكل ؟؟ هترد تقوله لا والله انا مش بأكل " مباكلش"
2. Die Banane ist nicht blau. - الموزة ليست زرقاء.
هنا انا نفيت اللون مش الموزة ولا الفعل بس " لاحظت ان اي جملة لازم يكون معاها فعل "؟؟
3. Er ist nicht kurz. - هو ليس قصيراً.
انا هنا نفيت الصفة وهي انه قصير
4. Er ist nicht glücklich. - هو ليس سعيداً.
.انا هنا نفيت الحال انه هو ليس سعيدا \ طالع عينه يعني او حزين
5. ich gehe nicht ins Kino. - أنا لا أذهب إلى السينما.
انا هنا نفيت حر الجر الي السينما \ ممكن اكون رايح\ذاهب الي المسرح او المطعم , فبراحتك عايز تقول انه ده نفي حرف الجر هتمشي صح ولو عايز تقول انه نفي للمكان برضه صح ما هي هي اصلا بس عمرنا ما نروح
نقول
6. Ich stehe nicht um 7uhr auf. - أنا لا أستيقظ في الساعة السابعة.
هنا انا بنفي التوقيت انا لا استيقظ في السابعة صباحا ولكن لكيد بصحي في وقت تاني فالنفي هنا للوقت مش الفعل .
7. Das ist nicht mein Bruder, er ist mein Mann. - هذا ليس أخي، إنه زوجي.
هنا النفي لأداة الملكية وليس للأخ نفسه انا بنفي ملكيه الراجل ده ليا , الراجل ده مش أخويا ده جوزي
8. Ich esse nicht den Apfel. - أنا لا آكل التفاحة.
انا هنا بقي بنفي اسم فعلا صح بس الاسم ده مش جاي ليا لوحده, ده جايب معاه أداة معرفة وبالتالي مينفعش استعمل اداة النفي Kein لانه ببساطه اداة النفي Kein عبارة الا عن اداة النفي "النكرة" ein في أصلها , فمينفعش في الألماني تجيب او تستخدم اداة نفي مع اسم اصلا معاه اداة الل هي معرفة \ الأداتين هيدخلوا يضربوا بعض كدا , خدها ثاعدة ثابته لو الاسم في اللغة الألمانيه معاه اداة معرفة استعمل معاه Nicht للنفي.
9. Ich liebe ihn nicht. - أنا لا أحبه.
النفي هنا مش للفعل ولكن لنفي الضمير ihn ممكن اكون بحب حد تاني لكن ده بالذات لأ وركز كمان في موضع اداة النفي Nicht جاية في أخر الجملة مش بعد الفعل زي الأمثلة الل فاتت .
10. Ich bin nicht Ärztin, ich bin Lehrerin. - أنا لست طبيبة، أنا معلمة.
واضحه دي مش محتاجه شرح , بس خلي بالك المهن "الوظايف" واللغات ممكن تنفي بالأداتين kein , nicht بيمشوها صح خصوصا في اللغة العامية
وبكدا أكون قدرت ألخص لك أغلب الجمل المستخدم فيها النفي ب Nicht ودلوقتي نقدر نشوف كيفية استعمال Kein في النفي ومتابعة لأهم الأمثلة التوضيحية ولكن قبل ما أشرح لك kein عايزاك تبص الأول علي الجدول ده .
اتفقنا انه أداة النفي kein بتنفي الاسم \ الاسم في اللغة الألمانيه لازم يكون له أداة (Der ,Die ,Das, Die (pl وطبعا أي اسم بالأداة من دول بيخضع في الجملة الألمانيه لما يعرف بالحالة الاعرابيه Kasus واشهر حالتين مستعملين في النفي ب Kein هما حالة Nominativ , Akkusativ لو عرفت تشتغل علي الحالتين دول في النفي الباقي بالنسبة لك فقط هيكون عبارة عن نهايات وتطبيق قاعدة بدون تعب
معلومه مهمه كمان لازم تعرفها , سبق وقولت لك في الشرح انه اداة النفي kein هي في الاساس عبارة عن تطبيق قاعدة اداة النكرة في الحالات الاعرابيه الل ذكرناها , K+ein ولكن خلي بالك علطول انه الكلمه الجمع \ في اللغة الألمانيه ليس لها أداة نكرة \ وعشان تستعمل النفي ب Kein هتستلف الاداة من النفي مع الكلمه المؤنثة وبالتالي اداة النفي للمؤنث \الجمع في اللغة الألمانيه في حالتي Nominativ + Akkusativ هي أداة واحدة وهي Keine
و دلوقتي يجي دور الأمثلة التوضيحية :
1. Das ist ein Kind. (das Kind) - هذا يكون طفل.
2. Das ist kein Kind. - هذا ليس طفلاً.
3. Ich sehe einen Hund. -(der Hund) أنا أرى كلباً.
4. Ich sehe keinen Hund. - أنا لا أرى كلباً.
5. Das sind Kinder - (die Kinder)هؤلاء يكونوا أطفال.
6. Das sind keine Kinder. - هؤلاء ليسوا أطفالاً.
الأمثلة مش محتاجه شرح \ كل الل انت محتاجه تعرف الكلمه دي أداتها ايه في اللغة الألمانيه , والحالة الاعرابيه الل استعملنا فيها الكلمه وطبقنا القاعدة زي الجدول الل فوق
وحاجة كمان بتسأل فيها كتير في الكورس \ الاسم الل عندك انت عارف انه له أداة , فسواء جاي بأداة النكرة أو جاي من غيرها فهو يعتبر نكرة برضو وهتنفي ب kein
- das ist Kind
- كلمه kind مفيش معاها اداة نكرة في الجملة دي بس هننفيها ب kein مش Nicht لان في الطبيعي kind دي كلمه في اللغة الالمانيه ليها اداة في الطبيعي الل هي das Kind فلو جاية لوحدها كدا زي الجملة الل فاتت , انا هنفيها ب kein لأنها تعتبر نكرة اصلا مش لازم تلاقي جنبها ein عشان تقول انها نكرة فهمت الفكرة ؟؟
ملاحظه بسيطه للمستويات المرتفعة:
لو الصفة بتوصف اسم والاسم جاي بعد الصفة هنستعمل "Kein"
1. Das Mädchen ist schön. - الفتاة تكون جميلة.
2. Das Mädchen ist nicht schön. - الفتاة ليست جميلة.
3. Das ist kein schönes Mädchen. - هذه ليست فتاة جميلة.
دلوقتي دورك انت الل تشرح الفرق بين التلات أمثلة دول لو
مستواك فعلا متميز في اللغة الألمانيه وفهمت شرح القاعدة
ولو حابب تشوف الشرح بنفسك تقدر تشوف الشرح صوت و صورة بالأمثلة من خلال الفيديو ده:
اكتبلنا كومنت لو الشرح عجبك عشان تشجعنا نستمر
تعلم اللغة الألمانيه مع فغاو فاطمه حسن بذكاء وببساطه ومتنساش تتابعنا FFA-German عشان يوصلك كل جديد في الالماني
والي لقاء أخر ان شاء الله
تعليقات
إرسال تعليق