كورس اللغة الألمانية المجاني+تصريف الفعل haben | يمتلك / لديه
▶️ كورس اللغة الألمانية المجاني | الدرس (37): تصريف الفعل ▶️ Haben (يمتلك أو لديه)
في المضارع + أمثلة للمحادثة
تعالوا بقى النهارده نكمل مسيرتنا في كورس اللغة الألمانية، والمسيرة بتاعتنا الفترة دي هي "تصريف
الأفعال".
واتفقنا مع بعض من الأول.. أنا مش هقعد أكتب لك جدول، وأقول لك دي أفعال منتظمة، ودي أفعال غير منتظمة، والأفعال القوية والضعيفة والكلام الأكاديمي ده! هتقولي: "طب ليه يا فغاو فاطمة؟ ما كل الكورسات بتقول كده حتى بره في المانيا!"، هقول لك: الناس اللي شغالين معايا في الكورس في ألمانيا فعلاً بيقولوا لي إنهم بياخدوا نفس الطريقة الأكاديمية دي مع الألمان.. بس أنا هنا بسهل عليك الموضوع! أنا مش محتاجة منك تقعد تصنف لي الفعل نوعه إيه، أنا كل اللي محتاجاه منك إنك تصرف الفعل وتتكلم بيه زي الباشا ✅
المرة اللي فاتت أخدنا فعل الكينونة (Sein) وأخدنا
وتقدر تشوف الحلقة كاملة لو لسه مشوفتهاش:
النهارده بقى هناخد الفعل الجديد، واسمه: Haben (يعني يمتلك أو لديه). وخلي بالك من النطق.. بنخطف الـ (en) اللي في الآخر تبقى خفيفه وصوتها ضعيف: (شوف واسمع النطق من الفيديو):
▶️ يلا بينا نصرف الفعل في المضارع (Präsens)
▶️ Ich habe ➔ (أنا عندي)
وعايزاك تعرف إننا في الكلام السريع بنحذف حرف الـ (e)
ونخطفها ونقول: Ich hab' عشان تتكلم أسرع.
▶️ Du hast ➔ (أنت عندك).
▶️ Er / Es / Sie ➔ hat ➔ (هو / المحايد / هي) التلاتة دول ضماير المفرد وتصريفهم واحد: hat.
وافتكر إني قولت لك الضماير التلاته معناهم واحد حسب الكلمه أداتها ايه في الألماني والمرادف بتاعها ايه في العربي👀
▶️ Ihr habt ➔ (أنتم عندكم)..
وبالمناسبة، أنا نفسي وأنا في الكلية كنت بتلخبط بين "Ihr" و "Sie"، فمتلققش دي بتلخبط كله..
"Ihr" يعني أنتم وتصريفها: habt.
▶️ Wir / Sie / sie ➔ haben ➔
(نحن / حضرتك / هم)
التلات ضماير دول على طول زي بعض وعمرهم ما بيتغيروا، و بياخدوا نفس شكل الفعل في المصدر: haben
بس ده في اغلب الأفعال مش دايما بيكون تصريف الفعل معاهم نفس أصل الفعل /المصدر .
▶️ طب أنا باخد الفعل وبنسى تصريفه وباتلخبط.. أعمل إيه؟
الحل السحري: لازم تحطه في
-Beispiel) يعني مثال!
✅ وتدخله في أسئلة سؤال وجواب.
إحنا أخدنا قبل كده طريقتين للأسئلة في القناة:
: السؤال بأداة استفهام = (W-Fragen)
: وتقدر تشوف الحلقةكاملة هنا
والسؤال بمعنى هل (Ja/Nein-Fragen)
اللي بنبدأ فيه بالفعل المتصرف على طول. يلا نطبق بالـ Ja/Nein-Fragen:
▶️ 1. لو بكلم حد بصيغة الاحترام (Sie):
▶️ السؤال: ?Haben Sie Kinder
(هل عند حضرتك أطفال؟)..
▶️ الإجابة: .Ja, ich habe 5 Kinder.
(أيوة، أنا عندي 5 أطفال)..
كل واحد حر في عدد عياله بقا!😂👀 المهم هنا صرفت الفعل مع Ich).
▶️ 2. لو بنتكلم عن غائب جمع (sie بمعنى هم):
لو سألتك: "من هؤلاء؟" وقولتلك دول فاطمة وسليمان.. وعايزين نسأل عندهم عيال؟
▶️ السؤال: ?Haben sie Kinder
(هل هما عندهم اطفال؟) هنا "هم" عايدة علي فاطمه وسليمان
▶️ الإجابة: .Ja, sie haben 5 Kinder
(أيوة، هم عندهم 5 أطفال).
▶️ 3. لو بكلمكم أنتم في وشكم (Ihr):
تخيل قدامي واحد اسمه حسن ومراته نحمده وبكلمهم هما الاتنين:
▶️ السؤال: ?Habt ihr Kinder
(هل أنتم عندكم أطفال؟).
▶️ الإجابة: .Ja, wir haben Kinder.
(أيوة، احنا عندنا أطفال.. صرفنا الفعل مع Wir).
كده إنت بتتعلم تكوين السؤال وفي نفس الوقت بتتعلم تصرف الفعل وتستعمل اللغة صح✅:
وده تصريف الفعل مع كل الضمائر
Ich▶️ habe
Du▶️ hast
Er, es sie▶️ hat.
Ihr▶️ habt
Wir, Sie, sie▶️ haben.
جرب تكتب جملة من دماغك بإستعمال الفعلHaben وانا هصححها لك عشان تثبت التصريف في دماغك
تابعوا البيدج والقناة FFAGerman، واستنونا في الحلقات اللي جاية.. وإلى لقاء آخر إن شاء الله💜🙏
تعليقات
إرسال تعليق